「我諗係對每一個香港泳手嚟講，都係好難忘嘅比賽。」港隊上一代背后、前拔萃女書院泳隊隊長劉彥恩這樣形容學界。這位小妮子12歲已代表香港出賽，但猶記得自己第一次參加港九區D1學界，九龍公園泳池那聲勢氣氛是如此震撼。「小學比賽都係喺室外，相反九龍公園（泳池）喺室內，打氣聲同氣氛都好好多；同埋因為近學校，第一次見到好多平時唔玩運動嘅同學仔，一放學都會嚟同你打氣。」
學生時代身兼運動員身份，最難捱的莫過於早起練習。「天都未光，五點半開始練，嗰陣灣仔泳池仲未改建，仲係喺室外，冬天一上水真係凍到震。以前成日同隊友講笑話我哋比任何一個中學生見得多日出！」劉彥恩笑道。
要延續不敗王朝，除了靠泳手的個人能力，更需要團隊中每一個人懂得如何放下自我。與張健達一樣，劉彥恩亦曾經放棄在主項衝金或破紀錄的機會，轉戰200米個人四式，只希望為母校爭取最大優勢。「學界唔係為咗自己游，而係為學校而戰，學校有邊度需要你，你就要落嗰個項目。」為女拔萃征戰學界多年，劉彥恩直言沒有留下一絲遺憾。但數到最難忘的一屆就非2010年莫屬。該屆為劉彥恩的學界告別戰，她除參賽外，更要兼任教練。決賽當日因為颱風關係延期。隨後，包括她在內的多名港隊成員均要參加11月的廣州亞運會，決賽最終延至12月中上演。不過，一眾女拔萃泳手狀態沒因而受影響，挾於亞運接力得獎的氣勢，劉彥恩帶領母校奪冠而回，蟬聯總冠軍。
難忘海外搵直播link
劉彥恩畢業後負笈海外，但依然心繫女拔萃。當年學界直播還未普及，她甚至會特意上網搵link，冀一睹師妹英姿，「以前學界冇官方直播，但男拔萃有時會自己開live。因為有時差，要半夜起身，甚至一路上堂一路睇，最搞笑係喺留言嗰度見到好多畢咗業嘅泳手一齊睇！」劉彥恩回味道。時移世易，想遙距觀賞學界不再是難事，但場上那熾熱的氛圍，以及女拔萃的團結精神依舊不變。「家陣佢哋比我哋以前做得更多更好，學界又會有印水貼紙，又會搞好多活動團結成個team，睇到佢哋將團結精神傳承下去，好Proud of佢哋。」
短短十數分鐘的訪問，劉彥恩說得最多的不是「冠軍」，而是「傳承」。江山代有才人出，論泳壇成就，何南慧、黃詩婷等師妹或者比一眾舊人更勝一籌。不過對劉彥恩而言，如何傳承「團隊至上」的女拔精神或者比獎牌更為重要，因這正正是她們31連霸的不敗之道。