湯洛雯撼貨Van「私了」

湯洛雯撼貨Van「私了」

【爆相爆片】湯洛雯昨午於將軍澳環保大道發生交通意外，讀者余小姐透過「爆相爆片」講述當時情況：「我坐van仔去到駿才街附近，有架私家車喺中線cut過嚟，但係又唔夠位cut，跟住就撞咗落van仔左邊車身，我望一望揸車個女人，就見到係湯洛雯。」

意外發生後，湯洛雯立即下車查看。讀者提供圖片

司機被撞後隨即落車查看，起初態度有𤷪𤺧，但認出對方是湯洛雯後，態度明顯軟化，余小姐說：「湯洛雯賠咗一千蚊，成功『私了』，佢哋互相交換咗個人資料就走，貨van司機仲講笑話，估唔到第一次攞明星簽名係咁樣攞。」湯洛雯一向駕駛二手價約40萬元的歐洲車代步，但昨日她卻駕駛另一部2012年出廠的小型K Car，根據車輛登記紀錄，該車以其個人名義購入。而湯洛雯回應傳媒撞車一事時，表現愕然：「嘩！咁快知道嘅！其實都唔算係撞車，只係大家揩一揩箒，冇事冇事，大家都冇事。」
採訪：小米

湯洛雯指座駕沒有正面撞到貨van，幸好大家都沒有受傷。