無綫前藝員劉綽琪因為一宗涉及與律師行的糾紛，昨日去到高等法院進行閉門聆訊。她表示原先因為知識產權問題，找該律師行代表她，但後期反被該律師樓發出禁制令，禁止她公開與律師的WhatsApp對話，於是她向法庭入稟申請解除禁制令。
劉綽琪說：「原本因為知識產權有人偷咗我嘢，但𠵱家反而向我發出禁制令，我又搵唔到事務律師代表我。係咪要我喊晒先至有人可憐我，我一直冇話畀大家知，我係有人格障礙症，𠵱家每日要食藥加重劑量，因為好大壓力，由告人變被告。𠵱家喊都留喺屋企喊，希望大家可以幫我。做人唔一定扮弱者，如果可以嘅話希望喺網上眾籌，請大狀幫我打。」
採訪：張明
攝影：林賓尼