王宗堯及阮民安（Tommy）昨日分別現身尖沙嘴重慶大廈，遇上大批市民上街表達訴求。其中王宗堯稱到該處支持少數族裔：「我嚟行街食咖喱，同埋快到Halloween，出嚟搵啲嘢應節，點知出到街見到好多香港人，但又唔見香港警察。」他又指見到不少南亞人士向市民派水，非常欣喜：「香港人冇分化，冇針對少數族裔，大家都係香港人。每一個種族嘅人都有好唔好，就算中國人都有好同唔好，你睇吓個啲光頭咁嘅警長，又走去開槍，所以真係唔關事。」談到19歲青年前日在大埔派遊行傳單時被襲，他怒斥：「好嬲，但又唔知點解嗰個人去自首，唔知警察會唔會好好招呼佢？我食咖喱食到一半，出面就放催淚彈，上去食埋再睇吓有冇路走。」
「陪大家走到尾」
而Tommy到現場打氣，當中有不少南亞人士，Tommy跟眾人合唱《海闊天空》，他表示：「我會陪大家走到尾，最緊要人夠多，人多就冇危險。」他又認為近日的遊行集會，無論是否獲警方發出不反對通知書，警方均會很早作出驅散行動，Tommy呼籲：「大家要小心，有時開始咗10分、8分鐘，佢哋就發癲，真係要用『癲癲哋』去形容佢哋。」談到大埔青年被襲，Tommy直言：「好嬲，咁細個，傷完人又自首，唔好用啲咁渣嘅招數，用呢啲方法諗住嚟嚇我哋，係唔會驚，我哋會繼續出嚟。」
採訪：曹家誠
攝影：陳弘