【本報訊】清真寺被水炮車射中染藍後，數十名互不相識的市民自發在寺外協助清洗閘門上的藍色水劑，部份人身穿黑衣及戴口罩。有份協助清潔的阿輝坦言只是杯水車薪：「其實我哋都只能夠清潔好小部份，因為閘內植物同樹葉等都染咗胡椒水。」
轟警挑釁宗教
阿輝形容警方疑刻意射胡椒水到清真寺的行為是挑釁宗教：「你話要修補撕裂，但就喺度製造撕裂。呢個係香港對全世界宗教或者伊斯蘭教嘅撕裂。」
記者現場所見，清真寺內外均受波及，大閘、樓梯等設施以及閘內植物均染上藍色水劑，甚至連寺內的泥土也染上顏色。當水炮車駛離現場後，清真寺人員隨即拿出水喉將藍色水沖走，多名途人用濕紙巾清潔清真寺外的圍欄，其後加入清潔的市民越來越多，達數十人。
市民S小姐指出，由佐敦步行至尖沙嘴時已經聞到令人不適的氣味，其後看見清真寺無故被染藍感到痛心，於是與數名不相識的市民用濕紙巾清潔清真寺外的閘門。她斥責警方不應攻擊清真寺，「班教徒只係企喺門口，乜嘢都冇做過，點解你哋要射佢？」
■記者沈彥恒