拜仁慕尼黑又失分！上周六拜仁喺德甲作客奧格斯堡補時失波，最終被逼和2:2，今季第四次失分。雖然羅拔利雲度夫斯基今場又有波入，家陣開季頭八輪都有進賬，追平咗奧巴美揚嘅紀錄，不過拜仁都係繼上輪輸畀賀芬咸後再失分，同日RB萊比錫又和禾夫斯堡，夜場多蒙特仲贏埋榜首慕遜加柏，家陣德甲1-9位只係差2分，真係有排鬥喇！