【本報訊】7.21元朗恐襲今日滿三個月，廚師蘇先生仍記得遭20位白衣人圍毆，背脊全是傷痕經歷，那晚他問為何沒有警察。9.21他在元朗大廈平台俯視後巷，見到防暴警腳踢「守護孩子」成員，警方事後稱是踢yellow object（黃色物件）。他說，親歷兩次警察失職，更覺得不可能放下7.21。
蘇先生說背脊和腳部傷口經過一個月已經癒合，但對警察失職的心結仍然難解，「7.21當我哋需要佢哋嗰陣，佢哋唔喺度」。那晚下班後，他在「形點」商場外遭約20位白衣人公然圍毆，其後元朗站再發生白衣人襲擊市民，兩位軍裝警員到場後竟然轉身離開，「呢件事已經刻喺好多香港人、市民心入面」。警方至今向他錄了一次口供，仍未進行認人程序，「我無耐之前問佢哋，佢哋話仲有啲人未捉到」。他擔心隨時間流逝，記憶會慢慢模糊，影響日後檢控和舉證。他批評，至今被落案起訴的白衣人只有個位數字，「你叫我哋啲市民，甚至我呢啲當事人、受害者，點樣可以釋懷？」他不滿政務司司長張建宗日前避談代警方就7.21恐襲道歉，直指要市民向前望，先要徹查事件。
目擊警踢yellow object
9.21那晚蘇先生亦難以釋懷，當晚防暴警在元朗將一名「守護孩子」成員帶入後巷，蘇與幾位街坊在大廈平台見到有警員對被捕人士「郁手郁腳」，「行緊私刑，好似喺度發洩緊，我哋係咁叫佢唔好打人呀」。 新界北總區警司（行動）韋華高事後回應，警員踢向yellow object。蘇說，這三個月發生的事，令自己和很多香港人更留意新聞和關心社會，形容是「塞翁失馬，焉知非福」。他起初很怕被報復，接受傳媒訪問要求「打格」，後來明白7.21是所有香港人都要面對問題，「今日避咗7.21，可能你過多一排有個10.21，可能1月21日唔知發生乜事，總有一日會燒到埋嚟㗎」。
小市民的反抗或許很微小，蘇先生會在區議會選舉投票，希望元朗區議會不再否決調查7.21元朗恐襲。8.31警察衝入港鐵車廂打人後，他現在盡量不搭港鐵，「無論有冇用都好，起碼對自己而言，係一種抗議方法」。
■記者潘柏林
