【本報訊】悲劇發生之時，黃伯根本不知，香港像他一樣有着雙老照顧問題的坎坷家庭其實不少。在他眼中，貧窮才是最致命，因為有錢的話，就可如城中富豪般，患病便入住私家醫院「用錢續命」，「我哋就唔得嘞」。
支持安樂死 恐社會不接納
黃伯認為，由於貧窮，他自覺「冇本事」照顧病妻、負擔不起私營老人院費用、請不到人幫忙照顧老伴。在他心目中，「窮困」是個無底深潭；窮困的人，晚年生活就只會「冇得揀」。
黃伯自言十一、二歲已經打工，「見過好多老人家臨老唔過得世，貧困唔會有人接濟」。性格所限，黃伯不會向親人要求打救，「後生好似楚霸王，乜都自己得；老咗做唔到，就好似狗咁囉」。他當時不懂找社工，不知往何處找，亦覺得別人幫不了多少，「捱義氣都係捱一次箒，咁大包袱，點幫？」
他甚至自覺身邊無人可傾訴，「啲街坊個個都好幸福，冇病冇痛，係得我一個咁悽慘！」黃伯更說：「病有高人說藥方，貧無達士將金贈。」他現在明白，他們的個案已為社會敲起警鐘。他鼓勵面對雙老照顧問題的人，有需要便應求助；又認為政府應投放更多資源，為他們分擔壓力。
曾公開表示支持安樂死的黃伯，如今坦言明白這議題不為社會所接受。但他反問：「病到求生不得、求死不能嘅時候，點解唔俾佢死呢？」他相信，人不到絕望時，也不會想到死這一步。
■記者蔡少玲