唱作歌手馮曦妤前晚於Ig報喜，宣佈答應男友求婚，準新娘昨日回應說：「佢成日𠱁得我好開心，我哋早已認定對方。」對於求婚計劃，馮曦妤表示全不知情：「原來佢準備咗幾個月，仲搵埋我啲好朋友幫手。噚日我同米奇米妮影完相，我就見到未婚夫拎住花跪地，然後就拎戒指戴喺我手。我覺得好甜蜜，有個男仔咁用心去求婚。」兩人的婚期訂於明年6月5日，4月時會到韓國影婚紗相。