【大馬直擊】何超儀（Josie）有份投資、千萬美元製作的荷李活電影《Rajah》（暫譯：拉者），近日在馬來西亞森林內搭建村落拍攝。Josie在戲中飾演惡死女軍閥林夫人，與飾演男主角18世紀英國冒險家James Brooke的愛爾蘭男星尊尼芬賴斯邁亞斯（Jonathan Rhys Meyers）藕斷絲連。
拍完講Sorry
記者日前到沙撈越森林中探班，當日Josie與尊尼芬拍攝一場村落討伐戰，Josie說：「我呢個係1825年嘅打女造型，戲入面都要舞吓刀，我哋冇武術指導，啲劍亂揮，唔緊要嘅，我都拍過啲打戲。」有份投資的Josie似乎未有獲得厚待：「男主角好認真，會喝人嘅，例如有一場好苦嘅戲要流淚，佢會叫所有人shut up！」Josie笑說：「唔緊要，佢喺個王位休息嘅時候，就同你眨番眼，講sorry。」
尊尼芬瘦14磅
Josie又爆前陣子跟尊尼芬一場對手戲，害對方碌地十多次，Josie說：「嗰場戲佢為我碌咗十幾次，因為我keep住講錯嘢，佢冇戴膝頭哥墊，硬食，好彩地下係啲燒到腍晒嘅木，佢好投入，有一日仲暈咗㖭。」尊尼芬指最大的困難是遇到天氣變化很大：「這裏經常下雨，天氣酷熱，我又穿起18世紀時代的衣服，質料是羊毛，令我瘦了14磅。」尊尼芬又指為了此戲在短時間內要學習多種語言：「我學了阿拉伯語、馬來西亞語，我下周便會講廣東話了。」
另外，Josie丈夫陳子聰今次就擔任監製，片場見他精神奕奕，大熱天時已曬得通紅，問到他的身體狀況，陳子聰表示：「𠵱家都OK嘅，不過仲有少少嘢，要調理吓，做多啲運動。」
採訪：羅慧敏