【全球關注】加拿大聯邦大選明日（21日）舉行，本來香港人毫無興趣的選舉，今年因為抗暴運動而變得息息相關。移民港人Jacky表示會關注各政黨政綱是否支持香港，「因為香港反送中，我會睇吓（各）黨會否支持香港人為首目標」，又明言「候選人政綱有香港議題會直接影響我（投票）」。他說，反送中運動發展至今，「係我哋呢班70後、60後，一路都唔理唔理由得佢發生，搞到今日咁大劑嘅時候，後生醒覺主導返佢哋嘅將來，反而我覺得對呢班後生仔係有虧欠」，因此非常願意為香港民主自由出一分力。
記者：張文鈴 梁嘉麗
反送中運動成為全球港人關注議題，加拿大大選在即，但事實上沒有政黨的政綱着墨香港議題，大多着重房屋、氣候變化、教育、醫療健康、移民和稅收等政策。有當地港人組織發起網上請願要求各政黨就香港爭取民主運動採實際行動和表態，逾2,000名選民簽署支持。過去一個月，各政黨就香港議題有不同表態，保守黨表示支持和平示威人士表達訴求自由，與爭取民主自由的港人同在。綠黨曾於8月21日發聲明譴責香港警方使用不合理武力，未來亦會考慮以多種方式表示對香港民主的支持。新民主黨表示關注香港局勢，不支持出口可能被用於人權迫害的設備到任何國家。自由黨的取態最為含糊，僅呼籲香港事態不要繼續激化。
盼候選人撐港人抗爭
本港有30萬名加拿大公民，據加拿大選舉局（Elections Canada）數據，截止本月13日有2,742人登記為海外選民。70後的Jacky在11歲移民溫哥華，2000年回流香港接手家族生意，直至2016年因銅鑼灣書店事件決定回溫哥華定居。他關注香港反送中運動，直言「今次修訂《逃犯條例》畀我感覺好明顯係一啲小朋友主導，10零歲至20歲頭班人去領導。我覺得係我哋呢班70後、60後呢啲，一路都唔理唔理由佢發生，搞到今日咁大劑嘅時候，後生醒覺主導返佢哋嘅將來，反而我覺得對呢班後生仔係有虧欠，咁我哋應該支持佢」。
「始終將來都係啲小朋友，我都過咗嚟，只能心中支持或有咩行動上我可以做嘅，我會盡量去配合去做。」他說，今年加拿大大選會關注各政黨的政綱是否支持香港，「原本我係睇重民生教育，但因為香港反送中，我會睇吓（各）黨會否支持香港人為首目標……候選人政綱有香港議題會直接影響我（投票）」。他相信中共勢力會干擾加拿大大選結果，「澳洲就係好例子，所以加拿大選民必須用選票對抗中共」。
2016年因銅鑼灣書店事件，決定返回溫哥華定居的Jacky說：「呢件事太恐怖，李波擺明俾你（大陸）捉返去，轉過頭拍段片話佢用自己偷渡方法返大陸認罪，呢樣係3歲小朋友都呃唔到，仲當香港人儍嘅去講呢個大話，你只會繼續有恃無恐地呃香港人，我明知你係呃緊我，我唔接受俾你呃，唯一選擇就係離開」。他在港經常參與7.1遊行、六四集會、反國教等遊行集會，認為香港政局和民生自梁振英上任後漸不穩，加上育有兩名小孩，不想他們接受國教，決定離開香港。他表明不會回流香港，但「如果我出一分力，令香港係民主自由上有所改變，我好願意喺能力範圍上出一分力」。
30萬票可左右大局
另一位移民加拿大多年的港人劉秉純醫生（Benson）認為，香港的30萬票每一票都是關鍵，今屆選舉繼續是保守黨與自由黨兩大黨之爭，Benson則指出保守黨黨魁安德魯·謝爾（Andrew Scheer）一直關注香港的「自由之夏」，早於8月已於Twitter表明支持香港人爭取自由民主，30萬在港加拿大僑民以及所有人都應跟香港人站在同一陣線。
他認為這個表態對香港人來說很重要，而在港僑民的選票亦擔當着重要的角色，「香港嘅加拿大公民應該積極投票，對加港外交關係嚟講係好重要，如果30萬人全部都投票，可以起決定性嘅作用，以往大選中曾出現相差5萬至10萬票就可以左右大局嘅情況，而喺最近嘅民調中，兩黨嘅支持度相差只係個位數，所以每一票都咁重要」。
香港的30萬票起着關鍵作用，Benson強調，僑民可以利用選票，讓加拿大各個政黨正視香港所發生的事，從而引起更多人關注香港的民主抗爭運動，「可以直接反映喺香港嘅加拿大僑民都有影響力，選票就係表態嘅最好手段」。