現年41歲的楊思琦上周日宣佈大肚，兼已嫁圈外老公。思琦妹昨日與同是香港小姐出身的譚小環、李綺虹及向海嵐，出席ViuTV節目《香港親善小姐》記者會。再度陀B的思琦妹身穿deep V湖水藍晚裝現身，上圍變得更豐滿，她大讚老公用心愛她，但因為對方是圈外人，所以想低調。
由朋友做媒
思琦妹受訪時，透露已陀B超過三個月，偶爾會頭暈想嘔：「好開心！好難得，真係雙喜臨門。」思琦妹指老公是在香港生活的內地人，經朋友介紹認識，問到老公姓氏，她不願多談：「大家叫番我思琦就最親切。」她表示是婚後才懷孕：「同老公相處咗年幾，拍拖超過半年，跟住就結婚，老公對我好好，用心愛我，同大女都夾，佢都鍾意小朋友。」問到老公知否她的舊情，思琦妹笑笑口說：「佢知道，以前嘅事又唔係𠵱家，總之𠵱家開心。因為要拍嘢，所以冇戴戒指，婚紗相影咗，遲啲畀大家。我哋未擺酒，只喺外地註冊，始終想簡單啲。」
問到囡囡卓穎叫爹哋還是uncle，思琦妹說：「𠵱家叫名，遲啲就會改口。」又表示囡囡知道要做家姐很開心：「成日摸我個肚，又攬住嚟錫。」思琦妹指已知BB性別，稍後才公佈，預產期在明年，但不會停工，更指會做到最後一刻。問到婚後會否想老公養，她笑言：「吓！我哋經濟獨立㗎，自己都要努力，我哋現今女性財政要獨立。」
囡囡攬肚錫
譚小環及李綺虹分別是1994年港姐冠軍及季軍，她們開心講起同屆亞軍活麗明，李綺虹說：「好多年前喺美國見過佢。」譚小環則表示：「有二十幾年冇見過佢，另外我同監製講咗，下次希望去加拿大，嗰度始終係綺虹地頭，今次去咗東京八日。」李綺虹兒子已經15歲，長得高大帥氣、讀書又叻，譚小環笑說：「綺虹話會介紹畀我識。」
採訪：黃曉妍
攝影：陳俊強