內地昨日有報道指劉嘉玲以4.2億人民幣放售其四千多呎、位於上海外灘旁的豪宅，該物業是她於2014年以1.2億人民幣購入，更找來美術大師張叔平設計。嘉玲回覆《蘋果》時否認賣屋：「間屋我媽住緊，點會放售。根本冇咁嘅事，啲人攞我香港其中一間屋啲舊相就話係上海間屋，根本就唔係，我喺蘇州、上海都有屋，𠵱家啲屋冇放售意思，唔明點解有啲咁嘅消息傳出嚟。」