古天樂繼先後擔任鄭秀文及容祖兒的演唱會嘉賓，又與劉德華合唱電影主題曲後，今次就到他與宣萱主演的電影《犯罪現場》，導演馮志強選用其舊作《像我這一種男人》製電影MV。古仔於MV中，呼籲大家珍惜當下：「好多人問我咁多工作會唔會好攰呀？喺我世界裏面冇工作先係最攰。可能未來或者出年發生乜事，冇人估計到，但如果活在當下都唔去珍惜嘅時候，咁呢樣至係最可惜。」