歷時逾四個月的抗暴運動，港人醒覺，團結了全球居旅海外的港人。有香港移民表示，未來會繼續聲援香港人，包括登報、寫信、聯署等引起國際關注，下月亦將回港投票區議會選舉：「用幾千蚊機票，投票香港未來4年，抵呀」！
民情洶湧 淺藍都覺有問題
香港由今年6月起幾乎每周都有遊行集會，龍華琛剛巧由溫哥華回港工作時，參與6.12反送中大遊行。親歷雨傘革命和百萬人上街反送中的他表示，百萬人上街全因政府漠視民意，堅持硬推惡法，引發更大民怨，「民情今次洶湧，坊間唔接受（惡法），中間沉默、淺藍都覺得有問題」。今次運動以年輕人為主，提出「冇大台，不割席，不分化，兄弟爬山，各自努力」。惟警方故意在執行職務中隱藏警員編號和不出示委任證，令人無法追究和調查警員濫權問題，「警方今次（奸）謀在冇警員編號」。
反送中運動遍地開花，惟不時引發藍黃之間的紛爭，「你話點樣修補？呢個似係文革批鬥緊，人民內鬥，人民鬥得越勁，最高床暖枕咪係政府囉」。他形容，林鄭月娥比梁振英管治年代是更壞時代，「啲人話梁振英係狼，但林鄭係毒」，料香港環境未來更惡劣，言論自由更多限制。他已決定下月區議會和明年立法會選舉都會返港投票，「用幾千蚊機票，投票香港未來4年，抵呀」。
另一名早於1995年移民加拿大的Wingo表示，曾一度回港工作，在經歷雨傘革命後對香港感失望，及後按原定計劃在兒子升中前回溫哥華定居，「移民原因係同政治無關，主要係唔想個仔咁辛苦考（升中）試，亦都唔想佢讀國教，（課程）有啲嘢係偏頗」。
見證過曾蔭權和梁振英的管治年代，Wingo對香港越來越失望，「2000年返去覺得好似冇乜嘢，08（北京）奧運係中港關係最好，仲諗香港政府係咪會畀97前港英政府更加好呢？（𠵱家）睇返政府我覺得好似同人民越嚟越遠，唔聽人民講，除咗失望，我都唔知可以講咩」。他認為，今次運動令港人越來越團結，且團結了居旅海外港人在外地登報、寫信、聯署等引起國際輿論，「希望今次會成功，有啲嘢可以扭轉」。
■記者張文鈴