【名家足路】英超今晚10時正同步開賽的6場賽事中，近況有所回勇的狼隊主場迎戰今季表現麻麻的修咸頓。
狼隊今季英超開季首六輪聯賽未嘗一勝，只得4和2負劣績，更一度跌落榜尾位置。不過，近兩場聯賽取得全勝佳績，當中包括國際賽期前一仗，在作客的情況下竟然可以擊敗上季英超冠軍曼城，取得聯賽兩連勝之餘，亦一洗季初頹氣，相信球隊如今士氣甚為高昂。今季狼隊的確因為要參加歐洲賽事而令到專注力有所分散，但在領隊紐奴的運籌帷幄下，就連歐霸盃分組賽及英聯盃亦成功取得勝利。陣中表現最好球員必然是「大隻佬」快翼艾達馬查奧爾。進攻方面不斷在邊路產生威脅，而他在球隊作出反擊時更是不可或缺，加上後防有傷癒後表現越戰越勇的馬特杜靴迪，令到狼隊右路攻防都做得很好，今仗絕對能夠撕破修咸頓弱不禁風的後防。
修咸頓今季表現繼續低迷，8輪聯賽過後只得7分，如今排在聯賽第17位，僅以較佳得失球壓過同分的愛華頓。據報領隊哈辛赫圖在這個國際賽期間作出多番調整，相信今仗就算作客也未必會如上輪聯賽大敗予車路士一樣。不過由於「聖人」今季特別在防守對方反擊時表現很差，預計今仗戰情會緊湊，但最終狼隊都能夠險勝修咸頓全取三分。向大家推介狼隊可主埸取勝。
文：丘建威