【本報訊】除了投資銀行業難做，本地零售銀行亦漸走下坡。近日有傳交通銀行香港環球金融市場部首席經濟及策略師羅家聰已離職，他向本報證實消息，但不透露離職原因。他指，「間間銀行都難做，經濟差令條數唔得，所以大家都要追數。」他亦稱，感覺近來離職員工增加，「有部門同事、高層唔見咗，散水餅多咗。」
他指出，銀行、投行、證券業都漸漸成為夕陽行業，「再過10年、20年，玩法就唔同㗎啦，啲人都會轉去網上平台、或者自己分析。」他表示，現時預測市場、經濟走向都能透過大數據或人工智能分析，因此近年歐美的經濟分析員越來越少，「大數據嘅可靠度、準繩度仲高，好過聽個股佬噏。」
目前市道仍非太差
羅家聰認為，雖然經濟大環境疲弱，但市道並非太差，「其實之前都有心理準備，預咗會有事情發生，以前沙士都失過業，所以有實戰經驗，哈哈！」有指現時市道比2003年沙士期間更差，他卻指不然，「沙士全世界一齊死，但現時一啲同市道唔相關嘅行業仍請緊人。」
他稱，現時仍然會寫專欄、做節目，而工作種類則不限，「有條件有資格做嘅都會試，或者會係轉變契機呢。」