【財經專題】全球經濟持續疲弱，加上本港示威風波未止，泊港資金開始響起警號，全球多間投行陸續宣佈裁員的同時，本港的投行亦未能置身事外。彭博昨引述消息人士指，匯控（005）計劃縮減多國的股票銷售及交易部門，當中牽涉法、德、美、英等地。本報訪問兩位已轉行的本港前投行人，他們均指出，經濟放緩及行業生態改變，是「投行之死」的主因，並料行業前景會兩極化，「唔轉型就會被淘汰」。
記者：李海澄
曾任摩根大通亞太科技台灣研究主管、現為保險科技初創OneDegree創辦人兼CEO郭彥麟，道出做投行的辛酸。他2004年加入摩根大通，12個年頭都在同一間公司渡過，待在公司時間比家裏還多。「我試過全年返足363日工，有200日係周圍飛，唯一兩日放假就係為咗考CFA。」他又指，「今時今日職場選擇多，以前第一名嘅工作一定係投行，現時反而係創業」。
科技扭轉行業生態
除了環球經濟因素，科技亦扭轉了投行的行業生態。有見不少投行棄租中環等甲級寫字樓，改遷至二、三線地區，例如觀塘、牛頭角，郭彥麟指，行業逐漸被科技取代，「最簡單，以前交易大堂嘅紅衫仔，現時都唔見晒。」他指，以前重視銷售員，因交易、買賣都要依靠銷售員推銷、面談；但現在工程師地位取而代之，「現時視乎工程師有冇設計好嘅產品，做好用戶體驗，而客戶期待產品係速度快，唔需要面談，咁點解仲要喺中環開公司？」他補充，中環方便見客，但當行業生態轉變，公司傾向選擇較方便員工的地點作辦公室。
郭彥麟又稱，2008年金融風暴後，環球經濟蕭條，為了節省資源，公司着重投放資源開發科技，「好似視像會議多咗、IB chat等，呢個係第二次嘅大衝擊，（投行運作）會以科技取代。」以他所知，2010至2015年金融科技發展漸成熟，有投行生意受累，每宗交易佣金下跌超過一半。洗牌效應下，靠服務的公司若不轉型，就會被時代洪流沖去。他預計，投行前景會兩極化，能及時轉型及投資科技的只有兩、三間，「相信仲可以做得比之前更大規模」；相反大部份較保守的公司，「唔轉型就會被淘汰」。
監管加強拖累業務
曾在美資投行擔任外匯交易員、外匯格價App YBEX行政總裁李振寧表示，現在投資氣氛轉差拖累投行業務，以前員工花紅超越年薪幾倍時有聽聞，但現在底薪加20%已經很不錯，最差情況是沒有花紅，「最誇張億億聲嘅Bonus，近10年可能cut八、九成都唔奇。所以監管令好多較為高風險交易唔做得，冇risk就冇reward。」他指出，金融風暴後，投行不能再用其資金作短期投資，限制了利潤，加上行業漸趨電子化，令從業員及交易員人數逐步減少。
另外，投行監管越趨加強，例如由聯儲局前主席Paul Volcker提出的《伏克爾法則》，限制銀行業務規模及範圍，導致投行被逼放棄部份業務，「好多投行費事做多錯多，就綁手綁腳，業務變咗唔穩定，所以有部份跳出嚟（轉行），好大部份想跳出嚟，但因為人工優勢所以冇。」