立法會秘書長陳維安之前講明，為保特首林鄭月娥去立法會宣讀施政報告，立法會噚日會發出黃色警示，而且只會畀五名公眾人士旁聽會議。八方原本以為咁悶嘅嘢，邊有市民會一早去排隊爭嗰五個位，點知真係有人咁神心一早去排隊，呢個人咪係曾經被網民惡搞到同公民黨楊岳橋共譜「娥頸橋之戀」、後來又被指移情鄭泳舜嘅「娥姐」陳玉娥。
公眾席大嗌 訴求被無視
八方噚日一朝早去到立法會大樓外面，已經見到立會常客娥姐喺立法會大樓外面排隊，相信佢係爭嗰五個公眾旁聽會議嘅位，當時未見有其他人等，相信娥姐應該有位。不過到開會時候，據知娥姐係公眾席都有大聲講嘢，一度引起小小問題，但因為噚日立法會現場真係太混亂，加上民主派示威，所以冇乜人理娥姐喺公眾席搞乜，可能要等岳少舜舜慰問吓喇。