【爆相爆片】莊靜而在80年代主演過《IQ成熟時》等多部劇集，1997年退出娛樂圈後移居加拿大，相夫教女。《蘋果》讀者鍾太透過「爆相爆片」，分享早前在中環見到莊靜而的情況，今年12月即將登「六」的她一臉素顏，衣着樸素星味減退，不過一雙大眼睛好易認。
講嘢細細聲
當日下午約2時，莊靜而和女友人在中環排隊等小巴前往瑪麗醫院，讀者鍾太接受電話訪問時表示：「我喺中環排小巴，見到莊靜而同女性朋友有傾有講，當時差唔多有100人排隊，我都排咗六架車先上到，不過啲車好密，所以排得好快，因為大家排U字形關係，可以面對面見到佢。」
從鍾太提供的相片，當年青春玉女的莊靜而，如今已變成普通師奶。現年59歲的她雖然面上明顯有歲月痕迹，但一對大眼睛很易認，當日她身穿襯衫及穿窿牛仔褲，打扮樸素，一頭短髮更顯清爽。鍾太說：「因為我細個睇佢電視大，例如《IQ成熟時》，肯定冇認錯人，我聽到佢講嘢，但聽唔到內容，好嘈，但聽到佢把聲，斯斯文文，細細聲講嘢，個樣好精神。」
80年代玉女
莊靜而是80、90年代的青春玉女，1980年拍攝香港新浪潮電影《山狗》，因濕身鏡頭成名，其後轉戰電視圈，專演女學生及校花角色，1981年為麗的電視拍攝電視劇《青春三重奏》及《IQ成熟時》而人氣急升，之後過檔無綫，憑劇集《香城浪子》、《花艇小英雄》及《老洞》企穩一線花旦位置。1997年，她為亞視拍完最後一部電視劇《天長地久》後便退出娛樂圈。其後她跟隨丈夫移居加拿大溫哥華，更協助丈夫打理汽車維修生意，六年前一家三口現身銅鑼灣，才知她和家人已回流香港。
採訪：皓騫