入行40多年的賈思樂（Louie）將於下月舉行演唱會，他早前在尖沙嘴接受本報記者專訪，細訴入行經歷。Louie回憶兒時四個願望：做模特兒、明星、歌星和化妝師，雖然當時被同學嘲笑，但Louie自信地說：「我都算做到三樣，除咗做唔到模特兒，因為我矮，人始終會夢想成真。」
賈思樂1974年參加《聲寶之夜》歌唱比賽得第3名，簽約無綫成為歌手，之後獲甘國亮賞識，邀他主演劇集《少年十五二十時》，Louie說：「當時冇青春偶像劇，甘生想要一個唔識做戲嘅人，但公司反對一個冇做戲經驗、講廣東話一嚿嚿嘅人去做，甘生同梁淑怡（無綫前高層）講『覺得呢個男仔好有潛質，覺得觀眾鍾意佢講唔鹹唔淡嘅廣東話。』」
Louie當時在無綫一個月唱兩次《歡樂今宵》，身兼寫字樓工作：「當時人工500蚊一個月，我心諗如果甘生畀多過600蚊，我都應承做，點知佢出到1,500蚊，我開心到個心卜卜跳，一簽就兩年，一做就咁多年。」Louie視甘國亮為恩師，他說：「佢好有耐性，佢知我唔識中文，所以每一集都錄音畀我，仲教埋我語氣、企位，每集佢都喺現場。甘生係我同校師兄，我都係澳門人，係佢開路畀我行。」Louie原來小時候已有夢想，就是做模特兒、明星、歌星和化妝師，雖然當時被同學嘲笑，但他自信地說：「我都算做到三樣，除咗做唔到模特兒，因為我矮，人始終會夢想成真。」
執二攤演蝦仔
在80年代，Louie演出《歡樂金宵》趣劇《蝦仔爹哋》，頂替因為病倒而未能演「蝦仔」的鄧英敏，他說：「我廣東話一嚿嚿，文法又錯，我講任何嘢，盧海鵬都挑剔我，但就好好笑，《蝦仔爹哋》一做就10年。」下月舉行的演唱會，Louie邀請了戚美珍、毛舜筠、向海嵐、陳秀雯、楊思琦及陳煒擔任演出嘉賓，現時正在排練中，問到今次會否跳舞？Louie笑說：「唔講得，到時嚟睇啦！」
撰文：黃曉妍
攝影：沈健程
場地提供：The AIR（The ONE）