黃夏蕙每年萬聖節都會悉心打扮慶祝,但日前她疑因特區政府實行蒙面法,叫停今年活動,更找友人代通知:「BB話近日示威嚴重,決定取消31號蘭桂坊活動,敬請原諒。」《蘋果》昨日聯絡夏蕙姨,她在電話中解釋取消原因:「今年唔搞,費事個個花臉貓搞我,唔想為咗呢個party借機會搞嘢,我喺蘭桂坊搞太多人,好易起衝突,怕累大家受傷,又唔走得,有損傷就唔好。」
夏蕙姨表示在萬聖節當日考慮改為出席保良局活動:「或者扮觀音大使去普渡眾生,仲祈求大家平安。」以往萬聖節夏蕙姨皆花盡心思扮鬼扮馬,2015年花幾萬元扮「武則天」,前年扮觀音,去年扮長平公主,每次出現必被巿民包圍合照,而蒙面法本月5日開始實行,一向濃妝示人的夏蕙BB曾聲稱要轉化淡妝,以免出事。
採訪:劉敏