湛淇清（Jessica）昨日在中環為珠寶店擔任模特兒，分別示範了價值3,000萬的綠寶石和600萬的帕拉伊巴碧璽首飾，Jessica透露老公金承威平常都會送她首飾等小禮物：「因為我屋企人都係做珠寶，所以老公喺結婚嘅時候都好大壓力，揀結婚戒指嘅時候都要花好多心思。」
至於造人大計，Jessica表示：「暫時未計劃，始終我哋2月先結婚，𠵱家都仲幾sweet，或者等遲啲冇咁sweet先。」她又透露家中只有婆婆比較着緊，不過Jessica每次都會叫他們先催家姐：「家姐結婚早過我，等家姐生咗先再問我啦。」 她又透露老公平日會親自下廚：「佢會煮好多唔同地方菜式畀我試，我每次都會食晒，仲讚佢煮得好食。」
採訪：曹家誠
攝影：葉君海