黃淑儀（GiGi姐）和高海寧（高Ling）昨日在將軍澳電視城出席無綫全新烹飪節目《Gi味俱全》記者會，更即場一展廚技。GiGi姐的兒子徐肇平之前因不肯和無綫簽長約而被雪藏，GiGi姐為此感到不滿，今年1月跟無綫約滿後，她一度倒戈相向，過檔ViuTV主持烹飪節目，更直言自己沒有留戀，無綫的「山頭主義」容不下她。
樂易玲有誠意
GiGi姐昨日向記者強調今次是簽約邵氏，表示樂易玲好有誠意將整個團隊帶過去，所以簽足一年，又說：「地球係圓嘅。」但她指短期內不會拍劇，因早前弄傷左腳，醫生建議她接受「換膝蓋」手術，月底入院後要休息至少三個月。提到拍檔高Ling，GiGi姐表示她很搏命，自己也很疼錫她。
高Ling曾與GiGi姐於劇集《婚姻合伙人》中合作過，她說：「之前喺片場拍攝，已經有親自品嚐過GiGi姐嘅廚藝，之後GiGi姐仲請我去佢屋企食飯，認識到呢位前輩真係非常幸福嘅一件事。」她表示近日學到不少廚藝，直言女人也要懂得煮幾道菜，日後才能照顧到老公，自己就喜歡煲湯，因為對身體好。問到有否煮給男友鄧智偉吃？她則避談，指平常比較少煮，主力是研究營養瘦身餐單，並指自己在這方面非常有心得。
聲沙去睇中醫
昨日高Ling聲音沙啞，原來已持續了數星期，她表示：「之前好忙飛嚟飛去，去馬來西亞仲食咗好多榴槤同肉骨茶呢啲燥熱嘢，以為把聲會慢慢好，點知唔係，睇咗西醫打類固醇都冇乜用，噚日去咗中醫刮痧，就好咗好多喇。」
撰文：翁可人