林奠作文交紐時刊登車大炮咁叻，但唔敢見美國參議員Ted Cruz，自扯白旗，顯示手上真係只淨低三萬警隊。行內聽到，神經不穩嘅佢，施政報告前一天自鎖廁格自言自語，當馬桶係Cruz，不斷隻揪對方，句句有骨（關下體事）：
一，香港多浮屍係因為明日大嶼未開展，一旦上馬，60萬打工仔飯碗有着落，個海唔見減大半，浮乜鬼屍。
二，跳樓那些唔一定係抗爭者，被人欺凌的警察家屬都有份！香港呢個家，交通燈入閘機被毀好心痛呀呀呀呀。警隊英勇犧牲，美國唔歡迎佢哋，大灣區jetso升呢益佢哋。惡有善報，天公地義！
三，你想起我底？慳啲。我一個女人，可以左右你哋美國大選，主導台灣大選，四個多月將香港由福地變仆街。咁你話，世界上邊個咁有料？
四，大家無謂講耶穌，你有你的信仰，我有我的……喔，我本烹飪指南呢？
五，我唔理烏克蘭的廣場革命，亦唔睇NBA，我係慈母，最憎衰仔蒙面，同我掟晒入18區差館黑房！閣下走遲半步，幫你準備好實彈，自選一隻眼啦！