【《蘋果》紐約直擊】何韻詩前日在美國紐約曼哈頓Town Hall舉行演唱會，開場前，已有人在場外高呼「香港人，反抗」及「五大訴求，缺一不可」等口號。何韻詩先唱《如無意外》、《天使藍》等熱門歌曲打頭陣，然後以許冠傑的《同舟共濟》來表達對香港這個家的感情，及後當她唱到《艷光四射》的歌詞「生於亂世有種責任」時，她更忍不住哽咽。
「光明時間終會來臨」
何韻詩在台上呼籲海外港人支持香港的抗爭運動，她說：「我對人民嘅聲音仍然充滿信心，音樂其實不應該只係娛樂大家，係應該去將人民嘅聲音、人民經歷嘅事紀錄下來。我哋年輕嘅新一代，有好多好有才華嘅人，奈何我哋𠵱家要睇住佢哋，去面對困難。但唔緊要，我深信光明嘅時間終會來臨。究竟乜嘢時候，其實冇人會知道，但我哋要做足心理準備，佢隨時都可以嚟到。」然後阿詩唱出《Do You Hear The People Sing》，並與台灣的鋼琴家獻唱了《願榮光歸香港》，在場觀眾都站立一起大合唱。最後在安歌位時，何韻詩唱出《肥媽有話兒》，台下觀眾紛紛大叫，大家的情緒十分高漲，最後，她在全場手機燈光下，唱了一首《木紋》作結。
羅冠聰：佢付出好多
香港眾志常委羅冠聰亦有到場欣賞，他指何韻詩作出不少犧牲：「最感動係佢提到自己作為一個歌手，同佢𠵱家身份嘅掙扎。其實明白佢付出咗好多，為咗香港，佢放棄如日方中嘅事業，一個佢好喜歡做嘅角色，而選擇咗同香港人一齊走，所以佢好值得大家尊重同敬佩。」
駐紐約記者胡凱文報道