【黑惡橫行】
【本報訊】自反送中運動展開後，「國難五金」經常在遊行途經地方快閃開店，以學生價10元銷售防具福袋，其負責人「腦細」李政熙前日傍晚在深水埗的店門外，遭三名戴口罩男子掟辣椒水及毆打，現場留下一支約三呎長木方。李政熙沒有報警，他寄語香港人：「出入好好保護自己，既然呢個社會要我哋收聲，我哋就要咁大聲！」
記者：劉柏麟
上周六晚太子站外「祭壇」附近，有人用生日蛋糕為一名女子慶生，事件引來批評，國難五金即晚在fb貼文稱：「由即日起無限期停工，大家自己反省下。」但李政熙遇襲後，決定昨於長沙灣總店「重開」營業，又在fb貼文指「歡迎各位恩客及仇家衝擊」。
李政熙昨日下午在長沙灣道127號地下的總店外講述遇襲經過，前日傍晚6時許，他在舖外吸煙傾電話，突然有一支相信是自製的辣椒水「飛埋嚟」，接着被人一棍打頭，由於他當時戴上鴨嘴帽，所以「唔見紅」，他準備還手之際再被人毆三棍，他以手擋開，他趨前時三人拔足逃去。他稱三名施襲男子20多歲，其中兩人約1.7米高，另一人身材瘦削約1.88米高。
拒警調查：你哋都冇本事
李自稱傷勢非常輕微，僅左胸近肩膊位置有紅痕，形容「我隻貓都大力過佢」。他笑言今次遇襲最大損失是新買的T恤被濺污，「我呢件tough jeans，新款仲要日版嚟！」事發後一小時，有警員到場稱接報有人遇襲，但李向警員稱不用立案調查，更對警員說：「唔使你哋啦，我自己搞掂啦，你哋都冇本事。」
擬參選推高官問吊制
國難五金自8月初啟業以來，已三度被警方掃場，其中兩次警方分別以涉嫌藏有攻擊性武器、協助教唆參與非法集結拘捕他及職員，並撿走部份貨物，李現雖獲保釋，但預料再次開業後警方會派員巡查，但相信向他施襲的人未必會再出現。
李又稱，正積極考慮參選區議會，「個個參選嘅人都畀人打，我未參選㗎喎，可能佢想我參選咁咪打我囉」。
李表示他參選的狙擊對象是「長毛」梁國雄，「我嘅訴求係『高官問吊制』，同五大訴求唔一樣，唔係同路人」，又指即使被DQ亦是意料中事。