港鐵太子站出口不時有市民悼念懷疑喺8.31及其他警暴事件嘅死者，雖然有關事件未有真憑實據，但太子站集會示威者都好尊重場地，不過前晚有一批市民喺太子站外燒衣、悼念浮屍案中的15歲少女陳彥霖嘅時候，其間有人拎個蛋糕為一個女仔慶生，網上片段見到，成班人仲唱生日歌，起哄叫「咀佢」！網民大罵呢班人好似開嘉年華，質問對唔對得住8.31出事嘅手足？更有網民更發現，呢班人似係「慣犯」，上月亦捧住蛋糕慶生。
群情洶湧，有自稱片中人嘅網民喺連登發帖，除咗道歉，仲話冇諗過件事影響咁大，又話佢哋會認真反思，更加唔想佢哋嘅愚蠢嘅行為影響到成個運動，好多網民亦話嬲還嬲，唔好因為呢單嘢而失焦唔推其他行動。