謝安琪（Kay）前晚舉行紅館尾場騷，老公張繼聰帶同仔女現身支持，開騷前有觀眾大叫「光復香港 時代革命」，更大合唱《願榮光歸香港》。前晚麥浚龍（Juno）更驚喜上台，與Kay合唱《羅生門》。
完騷後，Kay提到演唱會以零說話方式被歌迷批評，她坦言知道很冒險：「願意接受唔同嘅聲音，不過鍾意咁樣形式嘅人都好多。明白觀眾對表演嘅預期有落差，我自己還好嘅，可以承擔得起。」至於有指零說話演出模仿王菲，她直言：「可能唔講嘢係共通點，呢啲係個別嘅觀感，我哋冇為任何意見去刪改原著，因為我哋想忠於原著。」問到有歌迷表示想聽的歌沒有唱，她說：「我明白咁樣容易啲同大家溝通，但係嗰啲演唱會我都做過，作為歌手應該要逼自己創新，如果唔係就唔會有新嘅經典，向前行需要勇氣。」
採訪：盧妹
攝影：仇志德