鄧穎芝（Vangie）不經不覺入行娛圈15年，一直在中游位置打拼，繼續追夢。膚色黝黑的她性格硬淨，但卻樂天知命，自覺成績已算不過不失。娛圈不景氣，現年34歲的Vangie身兼健身教練、賣二手衫及賣大閘蟹，邊賺錢邊追夢。如果真的要在演藝生命上給一個限期，Vangie謂：「當我搵到一樣嘢比唱歌更鍾意嘅時候，我就放棄啦。」
現年34歲的鄧穎芝在2004年出道，同期有鄭希怡（Yumiko）、梁洛施、薛凱琪、官恩娜及吳日言等，當中有些嫁人半退出，有些有很大改變，反觀Vangie似平平無奇。Vangie自覺給人印象是膚色黝黑、跳舞歌手，近年亦聯想到運動，她覺得成績已算不過不失：「我會畀自己6分，成績係可以再好啲，但有啲嘢冇得強求，近呢十年我都係自資出碟同自己做埋management，好多嘢好被動。」Vangie自認不是主動的人，多數時間只是齋坐等機會。
遭冷嘲熱諷
人生有限，仍有甚麼動力令Vangie繼續留在娛圈？她說：「好多前輩話喺娛圈係鬥長命，近年我係少咗喺幕前，但唔係放棄，咪做住其他嘢繼續等機會，我有錄歌，𠵱家有三首存貨。」她承認曾聽過不少冷嘲熱諷：「『做乜仲唱緊歌？點解仲做？仲出嚟做乜？』呢啲都聽過，之前自資60萬出碟，但換番嚟都係負評，當然唔開心。」
Vangie一直被指家底厚，故有本錢在娛圈鬥長命，但她否認：「我屋企只係小康之家，新人時冇錢係要屋企幫，但並唔係一桶一桶金咁畀我，如果係我就唔使搞二手衫店；唔使賣蟹同做健身教練，可以坐喺度問老竇攞錢，我都有努力㗎，我都係手停口停，莫非30幾歲人仲問屋企人攞錢咩。」
娛圈夢未醒
上月底Vangie跟好友張紋嘉合作賣大閘蟹，短短幾星期做了10萬元生意。至於歌星夢何時才醒？Vangie謂：「當我搵到一樣嘢比唱歌更鍾意嘅時候，我就放棄啦。」
撰文：寶妮
攝影：沈健程