【沙田】現年30歲的商台DJ薛晉寧（阿檸）日前被指做第三者，介入夏雨兒子黃奕晨（Dixon）和組合Super Girls成員吳嘉熙（Cheronna）的感情，導致兩人分手收場。事件曝光後，阿檸前日凌晨在社交網宣佈跟Dixon及吳嘉熙割席，而Dixon與吳嘉熙則回應分手不涉第三者。不過異性緣旺的阿檸，似乎未受緋聞影響，前晚又與長髮女子約會。
睇足兩個小時
阿檸前晚7時許在商台收工後急步離開，之後坐巴士往沙田大會堂，一名長髮女子早在大會堂門口等候，阿檸搭她一下示意齊齊進場，約兩個多小時後，阿檸和該名女子離場時，同行還有一個中年男子，三人邊行邊傾步入後台。阿檸昨回覆《蘋果》表示，當晚的一男一女分別是舞台劇導演及編劇，阿檸說：「我哋噚晚相約傾啲嘢，𠵱家唔方便講，你哋可以問導演，佢講方便啲。」
「第四者」勁無奈
此外，昨日有指Dixon和吳嘉熙分手，與2016年參加ViuTV選美節目《美選D.n.A》入行的譚凱倫（Helen）有關，令三角關係再出現「第四者」，Helen昨回覆《蘋果》時大感無奈︰「同Dixon係上年拍公司節目《Good Night Show 全民星戰》識，之後間唔中會一堆人出嚟聚會，但從來冇單獨約會。」Helen昨早更在Ig貼文，澄清與Dixon完全沒有機會發展。而身在丹麥的Dixon昨回覆《蘋果》時重申，跟Helen只是朋友，他說：「同Cheronna分手，大家都講咗喇，絕對唔係有第三者出現，無論係佢定係我都冇第三者出現，分手係我哋兩個人嘅問題。」至於吳嘉熙昨日以短訊回覆：「同Dixon都承認了大家感情已經完結，對於唔同傳言，唔逐一再回應喇！謝謝！」
採訪、攝影：黃曉程、羅德光、曹家誠、小米