何韻詩昨日於英國倫敦舉行演唱會，她前日在fb指收到「親中團體」的訊息，不但稱她為「一群受海外國家政府支持的暴動者」的發言人，更指她「尋求西方政府支持杯葛和抵制中國」，並呼籲到阿詩的演唱會場地抗議。阿詩在演唱會唱出《願榮光歸香港》，現場不少觀眾站立並開手機燈以示支持，還自彈自唱《肥媽有話兒》。
阿詩助手昨日回覆《蘋果》：「佢哋喺騷前6點幾7點喺出面示威，阿詩喺場地入面冇機會見到佢哋。」又指現場有基本保安，也有英國警察在外面，阿詩助手又透露：「除咗一班藍絲阿叔，有一班人支持香港，一邊support阿詩，一邊就撩交打又丟雞蛋。我哋入面就冇受影響，如常進行。」阿詩助手形容該班藍絲阿叔提早收工：「佢哋開騷前就收工走咗，開頭警方估都有百幾人，最後得30、40個人。」
採訪：皓騫