林鈺洧向來都好疼愛貴婦狗Bagel，但她前日拍片哭訴被管理員逼遷，她表示：「有一晚打風，我帶咗佢落去行，因為濕晒所以我冇放佢入袋，就咁返屋企。喺大堂當然有管理人員見到，過幾日我就收到電話，話：『小姐呢度唔畀養狗，請你將隻狗帶走，佢唔可以再喺度住，如果唔係你都要搬走。』」數度哽咽的林鈺洧只好打算與Bagel一起搬走。