黃澤鋒與太太陳麗麗昨日在尖沙嘴為囡囡「小黃妃」黃熙恩舉行百日宴，筵開50多席。宴會開始前澤鋒和太太抱着囡囡見傳媒，並替小黃妃即場舉行剪胎毛儀式，由黃澤鋒操第一刀，剪下部份頭髮用來製作胎毛筆。榮升爸媽三個多月，他們表示已習慣，黃澤鋒說：「佢喊得好大聲，喊到攰又即刻瞓，同埋開始學識扮嘢，有人望住先會大聲喊。」
腳頭好帶挈多工作
陳麗麗指囡囡長得肥肥白白，令她長期抱B導致手部勞損：「有成11磅，醫生話應該係我陀佢時啲維他命俾佢吸收晒。」黃澤鋒說：「醫生話要食多啲豬皮吸收膠質，同埋𠵱家戒咗夜奶好好多。」他又大讚女兒腳頭好：「託賴佢出世後我都有唔少工作，冇辦法，囡囡係生於亂世，我自己67年暴動出世，又係生於亂世，希望囡囡第時會健康堅強。」
講到宴會規模不少，黃澤鋒說：「本來諗住呢排亂世，圍數要cut一半，但咁多朋友畀面嚟，多謝佢哋。」陳麗麗知道港鐵昨晚10時收車：「我哋今晚會準時8點開席，早啲食完早啲返屋企，好彩仲有巴士，我諗路面交通都OK嘅。」黃澤鋒又稱：「我同太太加埋百幾歲，𠵱家仲有個3個月嘅女，上天對我哋已經好好，記得同太太結婚時係較小型宴會，今日咁多朋友嚟，希望喺最唔開心嘅時候畀大家開心一次。」
採訪：曹家誠
攝影：林賓尼