今年45歲的阿輝，前線衝衝子都稱他「阿叔」。自小在港島區長大，熟悉銅鑼灣及灣仔地形，致使這位自嘲「骨頭脆」的中年阿叔，自告奮勇上前線擔任最年長的哨兵佬，暗中監察警方行動，並在警方採取行動的危急時刻，通知年輕抗爭者安全的逃生路線。阿輝除了出力也出錢，包括捐出近半月薪買防具保護年輕人。
許多人都聽過抗爭場上有許多「職務」，例如勇武、物資組及專責滅煙的「控煙辦」等，當中重要一員還有哨兵。「即係睇吓警方佈防去到邊度，要睇住佢哋舉動，一有準備衝埋嚟就要通知細路要準備，通常會周圍走，盡量行到去警察個防線。呢個真係好嘥你體力同精神，要打醒十二分精神睇佢哋喺邊度嚟。」從事物流業的阿輝笑言做哨兵「仲辛苦過返工」，「體力絕對唔夠班細路嚟，我跑完一晚會有啲位好痠軟，大髀、小腿、膊頭和腰，出去一日最少唞返三日先回到氣呀。」再加上阿輝年輕時從事體力勞動工作，腰痛風濕樣樣齊。他笑言自己能力與體力有限，但很想在場上「做個盡量幫到佢哋嘅阿叔」。
救得一個得一個
阿輝不怕辛苦，只為幫青年抗爭者脫險，救得一個得一個。做哨兵令阿輝可以在場上四處遊走，同時令他可身兼兩職兼任「流動物資站」，他認為裝備對前線小朋友而言是保命符，稱一旦與警爆衝突，即使再激進都會被打傷。
阿輝自言年輕時「好有火」，曾從事許多行業，如裝修、跟車等勞動性工作。這位年屆45歲的中佬，數月來見盡血與淚，幸好是當中還有愛。阿輝形容自己雖是中佬一名，但想法跟年輕人一樣簡單，自小相信堅持便有希望，好人，真的一世平安。