關智斌（Kenny）昨日於觀塘出席驚慄體驗館開幕禮，提到早前他聯同賭王千金何超蓮拍攝體驗館的宣傳片，Kenny說：「超蓮直情正啦！今次係第一次類似演戲咁，有對白，佢拍之前都話好緊張，但係原來佢好投入揮灑自如，超乎想像之外。」Kenny更透露下月將到歐洲工作，他說：「有一個新嘅project，係去外地影相嘅。係性感嘅，留倩影嘛，𠵱家都要操fit，唔可以咁放肆食嘢，等我入嚟呢個館嚇餐飽先。」
另外，擔任司儀的林子博直言各界得知他離開無綫後，都紛紛出手幫助，他說：「連我大廈嘅業主立案法團主席，平時成日見佢鬧人，但佢畀咗張五位數字嘅支票我，佢好有心。多咗人搵我做嘢，古生（古天樂）都有親自打電話畀我，當年我哋都係拍卡拉OK，佢問劇組有冇搵我，ViuTV嘅《地產仔》導演搵咗我，仲畀咗兩個角色叫我揀。」
採訪：羅慧敏
攝影：仇志德