阮兆祥將於本月25至27日假旺角麥花臣場館舉行三場演唱會，早前他推出新專輯《大夢想家》，當中包括一首新歌及七首翻唱歌。前晚祥仔在灣仔進行專輯試聽會，更掃了100隻碟送給親友。
祥仔近日為演唱會瘦身，希望可以減多4至5磅，問到有否操到朱古力？他說：「朱古力波就有，從來冇諗過露腹肌，如果你哋睇得開心，或者到時夠掌聲，咁我咪露囉！呢個時間做音樂會、唱片好艱難，但我覺得做藝人要將正能量感染人，明天一定更加好。」他坦言擔心市面及交通情況，更謂到時執生。對於馬蹄露日前在旺角影黑衣人相時遇襲，祥仔說：「最近香港變得冇咁理解。」更指想作調劑者，幫市民逃離政治話題。
採訪：黃曉妍
攝影：葉君海