瑞典球星伊巴謙莫域禮拜二返到家鄉馬爾默出席佢嘅銅像揭幕儀式，呢位38歲前鋒仲將自己嘅銅像與自由神像比較︰「當你嚟紐約，你有自由神像。當你去瑞典，你有薩拉坦像。」伊巴嘅銅像係瑞典足總為咗表揚國家隊隊史神射手（62球）所設，銅像高2.7米、重500公斤，而個銅像就放喺伊巴母會馬模嘅新、舊球場之間。