前曼聯領隊摩連奴正密切留意熱刺嘅狀況，假如普捷天奴離任佢會考慮接手。摩佬自去年12月被紅魔炒魷後，就一直盛傳同皇家馬德里有聯繫，仲先後拒絕過賓菲加同中超廣州恒大嘅邀請。熱刺今季喺英超8戰僅3勝暫列第9，普帥地位亦危危乎，不過亦有報道話熱刺未必會請普帥食無情雞，因涉及一筆3,200萬鎊嘅賠償金。