2001年英皇新人周英杰，當年在樂壇「快閃」一年便解約回歸校園，考獲藥劑碩士及律師文憑，在契爺清洪引領下在律師界大展拳腳。現年44歲的周英杰除了當事務律師外，更涉足地產，近年又與泰國醫院合作在港成立辦事處，大力推介人工受孕，成為中、港不育夫婦的「救星」。
撰文：寶妮
攝影：陳俊強
周英杰的真名是清晞誦，姓氏跟隨契爺清洪，他事業有成，除了是事務律師及考獲地產「大牌」可幫客人買賣物業外，近年更成為不育夫婦的救星，他說：「兩年前好多朋友講開想做人工受孕，我就諗到同泰國醫院合作，將佢哋嘅技術介紹畀香港同內地人。」他到泰國跟醫院高層斟洽，經過半年游說在港成立辦公室，並出任CEO一職。
泰國技術成熟
周英杰指近年香港越來越多中介公司，亦有不少試管嬰兒診所，選擇跟泰國醫院合作，他解釋：「泰國喺試管嬰兒嘅成功率同排名，跟美國叮噹馬頭，當地仲有基因篩選，歷史耐，技術成熟。」他指基因篩選可讓夫婦看到胚胎的23對染色體，主要看當中有否異常，但香港只可看頭22對：「最後一對染色體係睇性別，喺香港係唔畀睇。」
此外，在泰國做試管嬰兒費用比香港平，平均只需十多萬，周英杰直認生意應接不暇：「開業第一個月後本簿未見過紅色，每個月約有30對夫婦嚟查詢，大約5至10對會去泰國做相關手術。」成功的夫婦會否當他成「救命恩人」？他直言：「會㗎，啲人成日請食飯同收到好多禮物，多到要轉送畀人。」
讚兒子讀書叻
2016年周英杰曾透露第二度結婚，本身已育有一子的他被問到婚姻狀況時，他只表示：「𠵱家係single。」但提到囝囝卻樂意多談，他說：「𠵱家11歲，好叻，唔使我哋煩，佢讀書未試過考第二同攞B。」一有時間他會帶囝囝跟契爺見面，三人感情要好。