泳兒昨日到葵涌為下周三舉行的演唱會綵排，日前她邀請歌唱老師到家中上堂，她說：「我都冇留意原來練到差唔多凌晨一點，初時閂晒窗，以為冇嘈到人，點知有人經fans page inbox我，話好高興可以欣賞到個騷啲歌，但下次可能改下午練比較好，因為家中婆婆早瞓。我見佢咁禮貌友善提醒，都即刻回覆唔好意思。」此外，泳兒今次邀請到一位性感男仔在騷上跳鋼管舞，大讚對方好大隻，舞姿又性感。