【爆相爆片】今年12月便踏入40歲的林峯，跟內地女友張馨月已於上月26日在港入紙排期註冊結婚，但未公佈婚期。讀者李先生透過「爆相爆片」分享，大前日見到林峯現身香港機場離境禁區，雖被林峯發現拍攝，但對方仍禮貌微笑。李先生表示：「早上大約8點，見到林峯一個人，見佢睇指示牌，佢應該去另一個lounge，好似唔識路。」從讀者提供片段所見，頭髮蓬鬆兼戴上眼鏡的林峯，孭着大背囊步履急促，不知是否因蒙面法影響，未見他戴口罩。今次林峯原來是返家鄉廈門，因前日有內地網民在微博貼出跟林峯合照。而昨日有周刊報道，指林峯日前和張馨月到中半山睇樓，該高層單位約3千呎、市值逾億元。
此外，現年35歲的組合農夫成員C君，將於12月8日娶拍拖五年、比他小一歲的港台DJ黃天頤，二人日前已入紙排期註冊。C君早前已進行過大禮，拍檔陸永亦有幫手，據知婚禮當日在酒店擺酒外，還會搞party跟好友狂歡，陸永及黃翠如會擔任兄弟團。
採訪：皓騫、黃曉妍
