政府搞蒙面法，仲要所有中小學配合，唔畀學生喺校內校外戴口罩。有法律界人士已經話，學校唔係公眾地方，而且即使跟足條蒙面惡法，亦只係唔可以喺合法或非法集會蒙面。究竟政府、校方有乜法理基礎阻喺學校戴口罩？其實政府、校方點會唔知冇權咁做，所以咪出通告畀家長，只要家長肯就得！但你估所有家長都咁順攤？fb專頁「華爾街狠人」噚日就登咗封家長信，話有家長inbox佢，顯示回條上冇得揀同意定唔同意禁戴口罩，結果家長自己加「不同意」（圖），仲寫埋話因流感高𥧌可以奪命，而且個仔習慣考試前戴口罩以免染病，所以冇可能唔戴！
咁又啱喎，萬一小朋友惹流感出事，唔通政府、校方賠個仔畀人？如果因惹流感令考試衰咗，大個搞到要做差人，又邊有家長肯？