【本報訊】因為在機場抗爭中，以一身西裝擋在警察與抗爭者中間，而換來「機場阿叔」之名的祿福禮儀學院院長陳振哲，9.28當天再在紅隧口巴士站質問警方截查的法律根據，並成功令沒有警員編號及拒出示委任證的現場指揮官自爆身份。他也受反送中運動感召，決定在大埔林村谷選區出選，挑戰現時爭取連任的建制派議員。
「200萬人出來遊行後，我決定要出來選，大家都行出呢一步，我當時諗，自己係咪可以再行出多一步，機場事件之後更加下定決心，而去邊個選區，都係機場事件後先落實。」陳振哲說。他又直言，經過今次反送中運動後，不能再單單留在冷氣房或做一個鍵盤戰士，「可以承擔嘅人，係咪可以做得更多，要話畀香港市民聽，我哋都需要再行前多一步，去關心社區，我哋已經無路可退。」
參選區會是走入建制，陳振哲認為區議會不單只是諮詢架構，「唔好成日畀政府呃咗，佢係要喺社區匯集民意」，今次反送中運動反映問題之一，正正是各大區議會只會硬生生地為政府背書，「有啲建制派議員，好似我嘅對手，喺地區上表現其實唔差，只係一吹雞佢哋就要歸隊囉，咁民意透過呢個機制根本反映唔到」。
然而，在現時政治氛圍下，要政府聽取民意如同天方夜譚，陳振哲擁有調解員資格，指現時狀況確是在形成一個惡性循環，「政府越緊越打壓，大家反抗自然會越大」；更以北風及太陽如何令人脫下外衣來比喻，北風越吹得猛烈，人只會把外衣抱得越緊，反而太陽輕輕一曬，人因為熱自然會除衫，「咁個政府同警方，係咪可以克制少少先呢？先唔好用過份武力、警力。」
發揮專長 調解警民衝突
他更透露，運動中曾有一幕，大埔區內有中學生在校門派單張，引來大批防暴警出現，「有人報警佢哋要執法，都無辦法，但學生派嘢又冇犯法，大家意願都唔係錯，但警察出現就令街坊都圍起來。」當時在場的陳發揮自己專長，先建議警察不要全部落車，又肯先駛走一輛警車，而他同時安撫街坊令氣氛緩和。這種調解技巧，正是未來社區所需。
不過，決定參選也有代價，陳自言目前是他人生「收成期」，「我本來都可以廸廸腳」，但參選卻換來生意上利益受損，甚至已開始被不同意見陣營圍攻，惟現時都在他預計之內，故尚可接受，「唔通呢個年紀，反而要為五斗米而折腰咩。」