86歲的黃夏蕙早前在fb宣佈今年出戰區議會，昨日凌晨她的fb貼了她拿着參選表格的帖文：「有選擇困難症要大家幫吓手，唔知揀邊個區好？」網民留言支持，又提議她參選每年都往上頭炷香的黃大仙區。但有網民發現夏蕙BB的指甲塗上紅色五星旗圖案，即寸她︰「黃面紅底」。
夏蕙BB昨回覆《蘋果》時說：「我唔係好明參選啲嘢，張相唔係我貼。」據知fb由經理人小肥豬經營，那是否內容不代表她？她說：「咁又唔係咁講。」夏蕙BB指有參加過人鏈活動，但強調自己是和理非，並非黃絲。不過之後夏蕙BB又跟《蘋果》澄清：「張相唔係我貼，呢次水洗都唔清，我𠵱家講番畀大家聽，我係唔會參選……」夏蕙BB又強調那個post由經理人Simon貼出來，她嬲爆說：「唔代表我立場，亦唔關我事，我從來冇寫過呢啲嘢，完全唔代表我，我要同佢（經理人Simon）割席。」問到可會關閉fb再另開新戶？黃夏蕙矛盾說：「咁有啲啱嘅嘢係我寫，我唔關閉，我唔識開新嘅，我呢個咁多人睇。」
採訪︰陳杰