黎燕珊、BOP及鄧穎芝等昨日到科學園出席慈善跑活動，擔任主禮嘉賓的黎燕珊表示平日有跑步習慣，可以提高自己的正能量：「又唔使錢、又減壓。我好開心參與呢個慈善跑，𠵱家社會氣氛咁樣，要做多啲有益嘅活動。」
仲有傳授楊怡
與林夏薇於新劇中再合作，黎燕珊自爆曾向對方傳授生仔秘方：「都係啲動作嘅timetable。薇薇收到好開心，不過呢個女工作心太強，佢話拍埋呢個劇，會養好身體先。」她笑言不是亂給秘方，只傳授予林夏薇及楊怡：「我睇好佢哋會做到媽咪。」對於有傳楊怡已成功造人，黎燕珊表示不知情：「好姊妹唔使問，係就會講㗎啦！香港人壓力爆棚，唔好畀壓力佢。」
BOP成員參與3公里賽事，三子透露原本下月舉行的演唱會可能要延期：「或者要延到明年3、4月，我哋當然好想做啦，都要等公司安排好再公佈。」問到是否因社會事件影響而延期？BOP承認有影響：「原本出得一首歌，𠵱家可以叫公司畀我哋出多幾首先，都想作首慢歌，畀歌迷了解吓我哋嘅感情世界。」至於葉灝基（Gordon）早前被指與關嘉敏拍拖打籃球，他說：「順其自然啦，我面紅㖭，怕晒醜咁，𠵱家了解中，大個仔拍拖會同大家講。」
集結限於開工
姜濤早前穿黑衣戴黑口罩在銅鑼灣被警察截查，問到《蒙面法》生效會否影響BOP平日外出？Gordon直言平日不喜歡戴口罩外出：「畀人見吓、認得，唔好咩？」歐喬鋒（Tyrese）坦言公司有提醒外出時化妝：「着靚啲囉。」而三子一齊外出隨時被指控非法集結，Gordon笑謂：「我哋出活動箒，平日唔見㗎。」
採訪：盧妹
攝影：陳慧安