【本報訊】反送中運動走進社區，全港多處均有社區連儂牆，亦有不同街坊自發組人鏈及唱歌叫口號抗爭，甚至有不同地區的Telegram群組出現方便組織街坊參與行動，這些公民運動生力軍，可以如何轉化為未來區議會選舉的力量，甚至成為助選義工一齊打仗？
「佢哋知大家係咪做得好」
區諾軒指，這些地區連儂牆或地區關注組成員，確是同時會關注自己社區有甚麼人出選，「佢哋會知大家係咪做得好」，而作為候選人或社區工作者，積極做法是思考如何組織大家在社區一同參與，「如果係做得唔好，佢哋就會批評你，所以水能載舟，亦能覆舟，如何在當中自處同運用係智慧」。
至於是否應該盡早接洽這些社區生力軍成為助選力量，區認為如因支持反送中就變成幫手助選，或引來騎劫之說，當中關鍵是民主派候選人需要思考如何團結大家，例如先從社區問題入手，「例如我哋利東巴士站頭有臭味，引來街坊熱議，我哋咪呼籲大家一齊搵原因，當一個小社區問題都可以有好多街坊一同參與關注，更大問題自然就有潛質」。
按他的觀察，街坊因今次運動而公民覺醒，其實也顛覆大家對區議員工作的想像，「大家發現原來單係區議員做有佢嘅局限，自己唔出來，冇人幫到你，令到區議員變成係有冇能力團結同組織大家嘅角色」。不過，由於社區必然有反對運動的街坊，作為區議員也有責任服務他們，「當然我希望終有一日可以令對方明白理解自己，每個候選人都應該有呢個素質，唔能夠因為有人鬧你，就唔去溝通處理」。
■記者陳珏明