【本報訊】政府引用《緊急法》訂立《蒙面法》後，全港儼如「戒嚴」！前日晚上10時許，大埔中心有防暴警搜捕示威者，其間他們竟警告飯後散步的一家三口是「非法集結」，更指罵三人是「黑社會」，引起街坊憤怒。
網上片段所見，大埔中心外有一家三口被一批防暴警指罵，當時一對父母只是作街坊打扮，年幼小孩則戴上單車頭盔踩單車。小孩的父親不滿被防暴警喝斥回家：「咩都冇講過，叫人驚就唔好出嚟」，母親指警方是黑社會，反被警員指罵，「你咪黑社會囉！」母親再反擊：「我係市民嚟㗎！冇槍冇嘢可以打㗎！」
飯後散步被喝回家
有途人亦指罵警員阻人回家，警員再斥兩家長「有冇搞錯，帶個仔出嚟咁細個」，又警告他們是「非法集結」，更以強光燈射向該母親。父親反駁：「𠵱家幾點呀？你望吓個鐘啦！食完飯散步都唔得呀？」母親亦激動怒斥：「細路仔踩單車有罪咩？係咪要射死我哋三母子呀？咁樣叫非法集結？」
《蘋果》接獲另一片段亦顯示，防暴警與該對家長對罵後，朝另一方向再指向街坊，隨即衝入小路，相信是再展開拘捕。
■記者陳詠恩