何超儀的Josie and the uni boys樂隊，計劃將演唱會移師到澳門舉行，所以向胞姊超瓊旗下賭場酒店MGM申請檔期，但申請數月仍未有回音。據知申請不果與政治有關，Josie and the uni boys的Kevin Boy是黃絲，MC仁曾為反國教製作《洗腦教育》歌，而LMF曾投訴「撐警集會」，未得他們同意用了組合其中一首歌在大會播放，出了嚴正聲明表示不滿。
有指超儀對胞姊超瓊不撐自己感到不快，超儀說：「我哋冇嗌交，只不過係屋企飯局閒聊，家姐婉拒咗我，話呢類騷唔適合佢啲客聽喎！唔緊要，我哋係一家人，所以會了解到外來不可抗力嘅壓迫。東家唔打咪打西家囉！暫時咪唔搞呢啲演唱會住，荷李活有啲阿四角色畀我做，咁我咪做住先啦！」
撰文：鍾國仁
