特首及行政會議用《緊急情況規例條例》（緊急法）頒佈《禁止蒙面規則》，港府聲稱蒙面法可止亂制暴，但立法至今可見，不但無法止亂，更令抗爭升級，市民對警察不滿及反感更有增無減，而更大問題是動用緊急法後遺症是引發謠言四起，這兩天不斷有傳港府將限制資金流出、限制提款、甚至關閉互聯網，雖然金管局已澄清，但似乎仍無法令市民、甚至外商放心。有專業界人士稱，緊急法未止暴先動搖香港金融中心地位，「開始令人懷疑提議用緊急法嘅人，係咪有心靠害香港同北京」。
對北京香港造成打擊
該專業界人士直言事實勝於一切，立蒙面法後，「衝嘅根本唔驚，捉到反正會告暴動，多條犯咗蒙面法罪佢唔會怕；對一般和理非更加唔怕，如果和平遊行都用蒙面法拉，一百幾十萬人上街拉得幾多」，而立法後的周六，該專業界人士見到的是更多和理非出來對抗警方濫暴，完全做不到和理非和勇武割席效果，「你睇太古城就知，成班中產街坊出嚟鬧差人，完全冇割」。
而動用緊急法更大問題是，在民意對政府信任近乎破產情況下，動用近乎給予政府無限權力的緊急法，只會令人覺得政府「想做更衰嘅嘢」，有多名民主派人士均對季陶說，雖然金管局已澄清，但仍有街坊對限制資金流出、限制提款深信不疑，「佢哋話政府用得緊急法，梗唔會認，個個話星期二去銀行換美金再拎出嚟，以防政府突然宣佈」。有金融界人士更稱，港府用緊急法已令部份外商十分擔心，「香港國際金融中心、資金可以自由進出已變得不確定，因冇人可以保證，港府一定唔用緊急法限制資金進出，呢個對香港、甚至北京已造成打擊，而且係相當深遠」。
季陶
周一、三、五刊出